مساء الخير يا احلى بنوتات في أحلى منتدى


هده القصة تقريبا واقعية و اتمنى انها تعجبكم





كان هناك شخص يدعى احمد وكان يدرس بالخارج ولما اتى الى اهله رأى شيءً لم يعجبه
وهو انه كل ما رأى اخته يجدها تمسك بالجوال وتتكلم بصوت خافت جداً


احمد :اختي بصراحه طريقة كلامها بالتلفون مو عاجبتني هاليومين.دائماً تنعزل وكلامها همس واذا قربت منها علت صوتها بطريه تؤكد لي بأنها تكلم بنت ؟



دخل احمد البلكونه ولقى اخته مها جالسه على الارجوحه وتهمس بالجوال وتتبسم .؟


احمد :موب قادر امسك الى الحين دليل يؤكد كلامي عليها مع ان حركاتها تثبت لي انها تكلم واحد من الشباب .؟


تقدم احمد بالمشي الى ان وصل اخته مها وقال .؟


احمد :ابي اعرف كيف تسمحين لنفسك تجلسين بالطريقه هذي .؟


مها : انت تعرف ان بلوكنة البيت ساتره وماتطل على الشارع .!


احمد : اقصد لبسك المرصوص والضيق على جسمك موب خايفه يدخل احد من شباب ولا حريم العائله فجأه البيت ايش راح يقولون عنك وقتها.؟


مها : ياخي كل انسان يشوف الناس بعين طبعه . وانا ابوي سامح لي البس هذي الملابس .وهذا بيتنا يعني المكان اللي ناخذ فيه راحتنا .!


احمد : هين اوريـك ...


مها بينها وبين نفسها : كنا مرتاحين من تحكمات اخوي . لما يكون في بعثته الدراسيه في الخارج. وكل ما تجي اجازه يقعد ينكد علينا . ما ادري الاسبوعين اللي بيقضيها عندنا كيف بتمر . اوووووف بصراحه ابيه يسافر اليوم قبل باكر . وارتاح من شره .



احمد راح للوالد وقاله


احمد : ابوي بنتك لازم تشد عليها . مايصير هذا الدلع البنت راح تفسد اخلاقها ... صدقني يابوي .!



الوالد : استح ياولد .. تبي تعلم ابوك كيف يربي عياله او هذي افكارك السودا مخيله لك كل شي فاسد.. حنا اسره متربيه احسن تربيه اباً عن جد يا ولد ..



احمد : ابوي كل شي يتغير يوم عن يوم وتطلع اشياء واشياء .. صدقني يابوي خلنا نسيطر من الحين قبل ما يفوت الفوت .؟


الوالد : مافي احد يسيطر في هذا البيت غيري .. واذا مت سو اللي تبي ياولد.. واطلع الحين خلني اغير هدومي ..


احمد : على امرك يابوي انا بطلع الحين ... بس صدقني راح تقول ولدك قال ..!


طلع احمد وراح وقف على باب غرف مها وشافها جالسه على التسريحه وتتجهز تبي تطلع ..


احمد بينه وبين نفسه :ساعتين تحط مكياج علشان تطلع لصديقتها او للسوق .. والله مهزله الى ابعد حد ... والتلفون لاصق فيها اللي يشوفها يقول تكلم ولدها ..؟


قامت مها تريد الخروج من الغرفه ..


مها : ممكن تتحرك شوي ابي اطلع .؟


احمد : ماراح ابعد الا اذا شلتي الكلام الفاضي اللي على وجهك ياشاطره ..؟


مها : اتحرك بالزين احسن قبل انادي لك ابوي ..؟


احمد : تصدقين خفت ... شوفي كيف انتفض ..!


مها : ابوووووووي... تعال بسررررررعه ....؟


الوالد : خير انشاء الله ... وش عندكم ..؟


مها : شوف حـضـرة ولـــدك موب راضي يخليني اطلع ... ؟


الوالد : ليش موب راضي تخلي اختك تطلع ياولد ...؟


احمد :يابوي شوف مكياج وجهها .. ولبسها الكاشف صدرها .. وماراح اخليها تطلع قبل لاتغير ملابسها وتشيل اللي بوجهها ...؟


الوالد : اسمع عاد ... اتركها تطلع.. واذا موب عاجبك ... اطلع انت ..


احمد : هذي اخرتها يابوي .. تطردني من البيت ... ما تتكلمي يا امي ليش ساكته ..؟


الوالده :تعوذ من ابليس يا ولدي واسمع كلام ابوك ... واترك اختك تطلع لاتنكد عليها ..!


مها : اتمنى يكون لك درس يا احمد ... وماتحط نفسك في مواقف حرجه ..!


احمد : ابوي عندي رساله لقيتها في درج بنتك اقراها واحكم ...؟

(( حبيبي الغالي جفت الاقلام وتاهت الكلمات وانا ابحث عن عباره ابدأ بها كلامي كم انا مولعه بحبك لدرجة انني لا انام في الليل هل هذا هو الحب .؟ اذا كان الجواب نعم فأنه كله لك حبيبي كل عام وانت الحب بمناسبة عيد الحب . حبيبتك الى الابد - مها - ))


احمد : ولما كانت تاخذ دش شفت تلفونها الجوال .. وللاسف كله مسجات وصور خطيره يابوي .. الحق بنت يابوي لاتخليها ...؟


الوالد : تبيني اصدق لعبتك وكذبك على اختك هذي بنتي واعرف تربيتي .. وخطتك مكشوفه .. بس ما اقول ...الا انك ما تستحي على وجهك يالخسيس ...؟


احمد : سبحان الله .. شي عجيب .. ماتقول الا اختي ساحرتك يابوي موب راضي تصدق اي شي اقولك عنها ... لكن تدري (ابوي) (امي) انا مسافر احسن لي اشوفكم في اجازة راس السنه ..؟


الوالده : ياولدي تو الناس باقي لك اسبوع .. خلك معنا ..؟


الوالد : خليه يروح نفتك من شرررره ...!


وبعد مرور شهور وجاءت عطلة راس السنه .. سيارة احمد تتوجه الى البيت قادماً من المطار ...؟


احمد : غريبه شنو كل السيارات هذي اللي واقفه عند بيتنا ؟؟؟ لايكون خطوبة مها والوالد ماقال لي شي ........... والله يسويها ..؟


اوقف احمد السياره ودخل البيت .. ووجده مليء بالنساء التي يلبسن العبايه السوداء ..؟


احمد : ايش السالفه ... ايش اللي صاير في بيتنا ..؟


تقدمت امرأه غريبه الى احمد وقالت : البقاء لله ومادايم الا وجه سبحانه .. وقوي نفسك على هذا البلاء يا ولدي ... لحظه .. بنادي لك والدتك .. ؟


احمد : من هذي الحرمه ؟؟؟ وايش تقصد بكلامها ..؟


نزلت والدة احمد وهي تهتز وتقول : الحقنا ياولدي .... تعال شوف المصيبه اللي احنا فيها ..؟


احمد : تراكم ذبحتوني قولولي...ايش اللي صاير ..؟


الوالده وهي تبكي بشده : اختك ماتت في حادث مع شاب الله عليمه ... وابوك من وصله الخبر ... ارتفع ضغطه .. وجاسته جلطه .. والحين في العناية المركزه .. شوووووف المصايب ياولدي شلون حلت في بيتنا ... ياحرقت القلب ..؟


احمد : اختي ماتت .... وابوي في العنايه المركزه ... مستحيل .... موب قادر اصدق ... مستحيل ..؟


ذهب احمد الى المستشفى مسرعاً لكي يرى اباه ولما وصل الى غرفة اباه في المستشفى تفاجأ احمد من المنظر .


احمد : ابوي .. ابوي .. لا ..لا ...ما اصدق اللي انا فيه ..؟


الوالد : أ أ أ هـ ... أ أ أ هـ ..


احمد : ياليتك يابوي سمعت كلامي ......شفت الفضيحه اللي سوتها وجابتها بنتك لنا ..؟


الوالد : أأأهـ ... أأأهـ ..


احمد وهو يبكي : يابوي انا مساااافر علطووول ماراح ارجع خلااااص ... راح ادس راسي في التراب بعيد ... ما ابي اشوف احد ... ولا اقدر اكلم احــد بعد الفضيحه هذي ..؟


خرج احمد من غرفة الانغاش وجلس في رواق المستشفى ومتأملاً منظر اباه وهو راقد في سرير المستشفى .... راود احمد تأنيب الضمير ... ورجع مسرعاً الى اباه ودموعه تتساقط ... واذا بالطبيبه تناديه ...


الطبيبه : لحظه لوسمحت ... والدك ....؟


احمد : اشفيه والدي ... ؟


الطبيبه : انتقل .. الى...رحمة..الله.. !


ركض احمد الى والده ودموعه تذرف على خده وراح ساقطاً على صدر اباه يبكي ... لااااااا ... لااااا .... لاتمووووت يابوووي ....... سامحني يابوي ساااااااااااامحني

ملتوووش

مشكووووووورة
على القصه

تسلمـــــــــــــــــــــي
ريموووووو عالموضوووووع

الله يسلمك يا قمر

والله القصة مرررررررررررره تحزن

شكرااااااااا ريموو على احلى قصة ولا تحرمينا من جديدك

عفوا يا احلى رغودة